У Мінску развітваюцца з афіцэрам КДБ Дзмітрыем Федасюком, які загінуў у перастрэлцы на вуліцы Якубоўскага
У клубе імя Дзяржынскага, што на вуліцы Камсамольскай, праходзіць развітанне з Дзмітрыем Федасюком, які загінуў 28 верасня ў ходзе спецаперацыі.
Дзмітрыю быў 31 год, у яго засталося чатырохгадовае дзіця.
На нарадзе з кіраўніцтвам Адміністрацыі прэзідэнта Аляксандр Лукашэнка сёння заявіў: «Дзіма апярэдзіў іншых, прыкрываючы групу, забег у кватэру першым. «Зброю на падлогу!» Замест гэтага яму стрэлілі ў сэрца. Паміраючы, з двух стрэлаў Дзмітрый расстраляў забойцу».
Таксама Лукашэнка выказаўся пра тых, хто спрабуе ачарніць памяць афіцэра КДБ: «Акрэсціна свабодна. Правільна Сергеенка [кіраўнік Адміністрацыі] сказаў: не трэба прыбіраць, позна, усе акаўнты ў нас на руках, мы бачым, хто чаго варты. І калі мярзотнікі тыпу Цапкалы думаюць, што мы іх не дастанем, яны памыляюцца. Мы не даруем гібель гэтага хлопца».
Каментары