Былы паліцэйскі пасварыўся са студэнтамі, а затым стрэліў аднаму з іх у нагу. Канфлікт здарыўся каля 23 гадзін на станцыі метро «Дзяржпрам», паведамляе Бі-бі-сі — Украіна.
У вагоне 44-гадовы мужчына зрабіў групе студэнтаў заўвагу, што яны няправільна носяць маскі. У адказ моладзь абмацюкала былога паліцэйскага.
«Затым былы паліцэйскі дастаў пісталет і зрабіў некалькі стрэлаў уверх і ў нагу аднаго са студэнтаў», - распавялі ў Харкаўскай абласной пракуратуры.
Мужчына патлумачыў свае дзеянні неабходнай самаабаронай.
Паліцыя пачала дасудовае расследаванне па факце хуліганства з ужываннем агнястрэльнай зброі. Былому паліцэйскаму пагражае ад 3 да 7 гадоў турмы.
Каментары