Літоўскія спецслужбы: Мінск спрабуе ўкараніць інфарматараў у асяроддзе апазіцыйных палітыкаў
Літоўская разведка фіксуе актывізаваныя спробы беларускага рэжыму па вярбоўцы і ўкараненні інфарматараў, а таксама магчымых правакатараў у атачэнне і арганізацыі апазіцыйных палітыкаў, якія атрымалі прытулак у Літве, піша Delfi.
Дэпартамент дзяржбяспекі краіны інфармаваў, што такімі дзеяннямі спрабуюць збіраць інфармацыю аб Святлане Ціханоўскай і яе асяроддзі.
Паводле звестак літоўскай разведкі, 17 кастрычніка Лукашэнка склікаў кіраўніцтва КДБ і высокапастаўленых афіцэраў для «павышэння эфектыўнасці замежнай разведкі» — для ўзмацнення яе моцы, павышэння патэнцыялу агенцкай разведкі і «іншых метадаў і формаў».
Паколькі ўсё больш і больш беларусаў звяртаюцца па гуманітарныя візы ці палітычны прытулак, літоўская разведка папярэдзіла, што беларускі КДБ можа паспрабаваць завербаваць некаторых уцекачоў або ўкараняць сваіх агентаў у іх атачэнне. Такім чынам імкнуцца сабраць інфармацыю пра лідара беларускай апазіцыі Святлану Ціханоўскую і яе атачэнне, пра беларускія грамадскія арганізацыі і іх сябраў, якая дапамагла б выявіць іх патэнцыйную ўразлівасць, а таксама паспрабаваць дыскрэдытаваць, паўплываць на іх дзеянні, рашэнні і выступленні.
Літоўская разведка заклікае беларускіх уцекачоў, якія могуць быць завербаваныя мінскім рэжымам, устрымацца ад удзелу ў злачыннай дзейнасці ў Літве.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары