Абвясцілі прысуды 11-й групе «карагоднай» справы ў Брэсце — усяго асуджана 114 чалавек
17 снежня ў Маскоўскім судзе Брэста суддзя Таццяна Лаўранюк абвясціла прысуды 12 абвінавачаным.
— Уладзімір Гарбавец — 2 гады «хіміі» (абмежаванне волі з накіраваннем у папраўчую ўстанову)
— Кацярына Шпак — 3 гады «хатняй хіміі»;
— Аляксандр Бадавец і палітвязень Віктар Кухарчук — 2.5 года «хатняй хіміі» (апошняму залічыць тэрмін знаходжання пад вартай з 18 кастрычніка);
— па 2 гады «хатняй хіміі» ўсім астатнім (Павел Хамічук, Кірыл Дарашчук, Барыс Галанін, Вольга Федарэнка, Анастасія Жукавец, Дзмітрый Капылоў, Ігар Грабінскі, Марына Ушыўкова).
Менавіта такія тэрміны і прасіў пракурор Ягор Кронда.
Такім чынам, на гэты момант у рамках так званай «карагоднай» справы (падзеі 13 верасня 2020 года, калі падчас пратэстнага маршу ўтварыўся карагод) ужо асуджаныя 114 чалавек. Нагадаем, што іх усіх прызнаюць вінаватымі ў «грубым парушэнні грамадскага парадку» (ч. 1 арт.342 КК), даючы пераважна «хімію» ці «хатняю хімію»
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж23
Каментары