Старшыня Мінгарвыканкама Уладзімір Кухараў даручыў аператыўна адрэгуляваць рух транспарту, работу святлафораў, пры неабходнасці падправіць схему аб'ездаў і апавясціць аб усіх змяненнях гараджан і гасцей сталіцы.
«Цягам месяца мы разлічваем скончыць усе будаўнічыя работы і запусціць рух як па новым пуцеправодзе, так і пад ім», — сказаў Кухараў.
Ён даручыў у ручным і аператыўным рэжыме наладзіць рух грамадскага і асабістага транспарту ў раёне рамонтных работ.
«Спатрэбіцца некалькі дзён, каб людзі выбудавалі новую зручную для іх лагістыку. Мы павінны максімальна дапамагчы ім у гэтым. <…> Найбліжэйшы тыдзень задзейнічаным службам горада неабходна працаваць у кругласутачным рэжыме», — адзначыў чыноўнік.
Каментары