Адзін з былых кіраўнікоў Мінгарвыканкама, якія адказваюць за абслугоўванне мастоў, патлумачыў магчымыя прычыны абвалу.
Чаму адбылося абвальванне часткі пуцеправода на Нямізе і якія працэсы паўплывалі на гэта, «Мінск-Навінам» расказаў адзін з былых кіраўнікоў Мінгарвыканкама, якія адказваюць за рамонт і абслугоўванне мастоў.
— У моста на Нямізе старая канструкцыя. Тратуар там выкананы маналітна, а метро — немалаважны фактар, які таксама трэба ўлічваць. Атрымліваецца, што за кошт вібрацый шчыліны адкрываюцца. Цяпер як раз надвор'е з пераходамі праз нуль — вада туды трапіла, адмарозіла і адарвала бэльку.
Альбо вада туды зацякала паточна, калі была нейкая расколіна, бо там унутры ёсць пустэчы. Менавіта вада магла стварыць залімітавую вагу, — паведаміў суразмоўца.
Па яго словах, усе прычыны пакажа абследаванне.
— Але гэты мост не ўваходзіў у топ кепскіх.
Адламаўся толькі тратуар, бо па старой тэхналогіі яго «прыманалічвалі» збоку, хоць па ім ездзілі часам і машыны, напрыклад, вышкі «Мінгарсвятла». Тратуар на такое не разлічаны, — растлумачыў суразмоўца.
Ён упэўнены, што разбіраць мост трэба будзе цалкам, гэта адназначна.
— І плюс трэба разумець: з-за транспарту, які праязджае пасярэдзіне моста, усё роўна больш за ўсіх цярпіць крайняя бэлька. Ёй няма з кім падзяліцца нагрузкай, яна нясе яе адна. Усе астатнія размяркоўваюць яе больш-менш раўнамерна. Крайнія бэлькі ляжаць пад ухілам, а ціск на іх адбываецца зверху ўніз елкай. Таму менавіта крайняя бэлька заўсёды больш разбураецца, — пракаментаваў суразмоўца.
Ён растлумачыў, што для бетону мінусавое надвор'е нашмат карыснейшае, чым плюсавое. Але негатыўным фактарам сталі менавіта пераходы тэмпературы праз нуль. Адмоўна адбіваецца на стане дарожнага пакрыцця і пясчана-саляная сумесь.
Уначы раптоўна рухнуў мост цераз Нямігу. Мінчукоў чакае транспартны калапс у цэнтры
У цэнтры Мінска з-за здарэння на Нямізе істотна абмежаваны, а то і адменены рух транспарту
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары