Пасольства ЗША ва Украіне заклікала амерыканскіх грамадзян пакінуць краіну ў найбліжэйшы час у сувязі з тым, што абстаноўка ў ёй можа пагоршыцца ў любы момант.
Паведамленне апублікавана на сайце дыпламатычнага прадстаўніцтва.
«Сітуацыя з бяспекай ва Украіне застаецца непрадказальнай з-за узрослай пагрозы ваенных дзеянняў Расіі і можа пагоршыцца без папярэджання. Пасольства ЗША заклікае грамадзян ЗША ва Украіне разгледзець магчымасць ад'езду цяпер, выкарыстоўваючы камерцыйныя або іншыя прыватныя транспартныя сродкі», - гаворыцца ў заяве.
Там таксама пазначана, што сітуацыя на межах з Расіяй і Данбасам застаецца непрадказальнай і можа пагоршыцца ў любы момант.
Другім пагрозлівым фактарам у заяве пазначаны ўкраінскія дэманстрацыі, у тым ліку ў Кіеве, падчас якіх здзяйсняюцца акты гвалту.
У пасольстве адзначылі, што амерыканцы могуць вылецець з Украіны камерцыйнымі рэйсамі з усіх міжнародных аэрапортаў краіны. Дыпламатычнае прадстаўніцтва, у сваю чаргу, гатова аказаць дапамогу аж да прадастаўлення пазыкі на рэпатрыяцыю грамадзянам, якія не могуць дазволіць сабе купіць камерцыйны квіток у ЗША. Таксама амерыканскім грамадзянам прапануецца падрыхтаваць запасны план на выпадак, калі не атрымаецца звязацца з супрацоўнікамі амбасады.
Чытайце таксама:
Давід і Галіяф: параўноўваем сілы расійскай і ўкраінскай армій
ЗША не будуць адпраўляць ва Украіну вайскоўцаў
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»2
Каментары