Сёння стартуе Алімпіяда ў Пекіне. Запаліць алімпійскі агонь абяцаюць незвычайным спосабам
Сёння, 4 лютага, у Пекіне афіцыйна адкрыюцца XXIV зімовыя Алімпійскія Гульні. Урачыстая цырымонія пройдзе на Нацыянальным стадыёне кітайскай сталіцы. Пачатак а 15-й гадзіне па мінскім часе.
Праграма мерапрыемства трымаецца ў строгім сакрэце, але арганізатары абяцаюць здзівіць гледачоў суперсучаснымі тэхналогіямі і спецэфектамі. Вядома, што ва ўрачыстым шоу выступяць каля трох тысяч удзельнікаў. Кіраваць цырымоніяй, як і на Летніх пекінскіх гульнях 2008 года, будзе вядомы кінарэжысёр Чжан Імоу, які быў тройчы намінаваны на «Оскар», паведамляе «Прэсбол».
Кульмінацыяй стане запальванне чашы з алімпійскім агнём, што будзе зроблена найбольш нестандартным спосабам за апошняе стагоддзе. Асноўнымі тэмамі цырымоніі будуць экалогія, мір ва ўсім свеце, алімпійскія прынцыпы, а галоўнай канцэпцыяй — адзіны лёс чалавецтва.
Талісманам Пекінскай Алімпіяды з'яўляецца панда Бін Дуньдунь. Цырымонія адкрыцця пачнецца ў 15.00 па мінскім часе і будзе транслявацца ў прамым эфіры тэлеканала «Беларусь 5».
Спаборніцтвы Алімпіяды-2022 пройдуць на 25 аб'ектах, размешчаных у трох кластарах, у Пекіне, Чжанцзякоу і Яньцыне. Медалі будуць разыграныя ў сямі відах спорту, у 109 дысцыплінах.
Беларускія атлеты выступяць у шасці відах спорту: біятлон, гарналыжны спорт, лыжныя гонкі, канькабежны спорт, фігурнае катанне, фрыстайл.
Чытайце таксама:
Кавід, канцлагеры, эканамічны крызіс, дыпламатычны байкот і расійска-ўкраінскі канфлікт. Свет з трывогай чакае пекінскай Алімпіяды
Гонар за фрыстайл і біятлон ды гульні пад БЧБ. Як раней Беларусь выступала на зімовых Алімпіядах і чаго чакаць цяпер?
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока5
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары