Былому падпалкоўніку з Іўя пракурор запатрабаваў пяць гадоў турмы
У судзе Лідскага раёна пракурор запрасіла 5 гадоў пазбаўлення волі для былога падпалкоўніка міліцыі Пятра Буцько з Іўя па абвінавачванні ў перавышэнні ўлады (Частка 3 артыкула 426 КК), паведамляе «Медыязона»
27 мая Буцько, які пасля звальнення з міліцыі стаў дырэктарам камерцыйнай транспартнай фірмы, нанёс свайму супрацоўніку Андрэю Захару «не менш за дванаццаць удараў у вобласць галавы» кулакамі, сцвярджае абвінавачванне. Тым самым ён «прычыніў яму менш цяжкія цялесныя пашкоджанні». Пацярпелы ў судзе заявіў, што ў яго «няма прэтэнзій» да абвінавачанага.
Пётр Буцько служыў у міліцыі больш за 20 гадоў, завяршыўшы службу намеснікам начальніка РАУС у Карэлічах у 2017 годзе. У канцы 2020 года ён адбыў 32 дні адміністрацыйнага арышту за ўдзел у несанкцыянаваных акцыях, распавядаў падпалкоўнік у інтэрв'ю газеце «Народная Воля».
Чытайце таксама:
«Патузаўся з падначаленым». За што будуць судзіць падпалкоўніка з Іўя, які выступіў супраць гвалту
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3522
Каментары