Алесь Бяляцкі заявіў, што з гэтага «будзе смяяцца ўвесь свет».
На працэсе ў Вярхоўным судзе Беларусі прадстаўніца пракуратуры папрасіла адхіліць скаргу на адмову Міністэрства юстыцыі ў рэгістрацыі грамадскага праваабарончага аб’яднання «Наша вясна».
Нагадаем, праваабаронцы Алесь Бяляцкі, Уладзімір Лабковіч і Валянцін Стэфановіч накіравалі скаргу ў Вярхоўны суд на Міністэрства юстыцыі, якое адмовіла ў рэгістрацыі «Нашай вясны». Разгляд справы пачаўся 10 жніўня.
Пракурор падтрымала прэтэнзіі Міністэрства юстыцыі, якое палічыла, што ў пададзеным на рэгістрацыю спісе пра чатырох з 71 заснавальнікаў аб’яднання ўказаныя недакладныя звесткі. Таксама пракурор палічыла, што гарантыйны ліст адносна юрыдычнага адраса нельга прызнаць юрыдычна значным.
Заяўнікі адзначылі, што пракурор не спаслалася ў сваім выступе на ніводзін нарматыўна‑прававы акт.
Алесь Бяляцкі заявіў у судзе, што прэтэнзіі Міністэрства юстыцыі дэманструюць «крайні фармалізм і бюракратызм» і з гэтага «будзе смяяцца ўвесь свет».
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек6
Каментары