Ціханоўская заклікала беларусаў сабрацца на прывакзальных плошчах гарадоў сёння вечарам у знак пратэсту супраць вайны
Гэта звязана з уварваннем Расіі ва Украіну і тым, што Масква хоча, каб беларускія войскі таксама адправіліся туды.
«Я не маю маральнага права ні заклікаць вас, ні спыняць, але я лічу сваім абавязкам у такой сітуацыі падтрымаць любы актыўны спосаб барацьбы. Памятайце, што ў вас ёсць законнае права на самаабарону, памятайце, што вы маеце права абараняць сваю краіну і свой суверэнітэт», — сказала яна.
Гэты яе заклік звязаны з прапановамі саміх грамадзян пераходзіць да больш рашучых дзеянняў.
«З 18:00 збірайцеся разам і прыходзьце або прыязджайце да вакзала свайго горада. Калі рух будзе заблакаваны сілавікамі, станавіцеся ў велізарныя чэргі ў абменнікі, яны будуць цягнуцца па цэнтры горада да прывакзальнай плошчы», — прапанавала дэмакратычная лідарка.
Неглядзячы на няспынныя рэпрэсіі, беларусы выйшлі ўчора на самыя масавыя пасля пачатку 2021 года акцыі салідарнасці з Украінай і пратэсту супраць вайны. Самая шматлікая акцыя адбылася каля Мінабароны ў Мінску, дзе людзі скандавалі «Не вайне!» і «Слава Украіне!».
Тысячы людзей у цэнтры Мінска пратэставалі супраць вайны. Каля Мінабароны скандавалі «Не вайне!», а таксама «Слава Украіне!»
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары