12‑гадовы падлетак, грамадзянін Украіны, загінуў мінулай ноччу падчас пажару ў Кармянскім раёне. Разам з ім ахвярамі агню сталі двое дарослых.
Як паведаміў БелаПАН прэс‑сакратар Гомельскага абласнога ўпраўлення МНС Руслан Габрылёў, жылы дом у вёсцы Струкачоў загарэўся прыкладна ў чатыры гадзіны раніцы. Калі праз 15 хвілін пасля паведамлення аб пажары на месца НЗ прыбылі ратавальнікі, дом быў поўнасцю ахоплены агнём. У будынку знойдзены целы жанчыны 1940 года нараджэння, гаспадыні дома, мужчыны 1952 года нараджэння і ўнука жанчыны, які прыехаў у Беларусь на летнія канікулы з Украіны.
Прычына пажару ўстанаўліваецца. Ва ўпраўленні МНС адзначылі, што ў сакавіку пажарныя праводзілі абследаванне дома, які згарэў, і выявілі шэсць парушэнняў правілаў пажарнай бяспекі. Гаспадарам было рэкамендавана іх устараніць.
Цяпер чытаюць
Мікола Статкевіч павіншаваў беларусаў з Днём Волі, запісаўшы першае ВІДЭА пасля вызвалення5
Каментары