«З пачатку вайны ва Украіне загінулі ўжо больш за 2000 мірных грамадзян», — паведаміла Дзяржаўная служба па надзвычайных сітуацыях (ДСНС). Гэта не лічачы вайскоўцаў і тых, хто далучыўся да абароны.
Фота: Reuters.com
«Ужо больш за 160 гадзін Украіна і ўвесь украінскі народ трымае абарону ад падступнага і цынічнага нападу Расіі і Беларусі, а кожную гадзіну гэта страчаныя жыцці нашых дзяцей, жанчын і абаронцаў. На працягу сямі дзён вайны Расія знішчыла сотні аб'ектаў транспартнай інфраструктуры, жылых дамоў, бальніц і дзіцячых садоў. За гэты час ужо загінула больш за 2000 украінцаў, не лічачы нашых абаронцаў», — гаворыцца ў паведамленні ДСНС.
Каментары