Палітвязню Іллю Міронаву, што напісаў 2500 лістоў зняволеным, не прапускаюць лісты з волі
Маці вязня Валянціна Міронава атрымала ліст ад сына, датаваны 3 сакавіка. Ілля піша, што апошні раз лісты з волі атрымліваў яшчэ ў лютым, піша «Новы час».
Ілля сам шмат каму піша, але адказаў не атрымлівае: «Бачу, нешта не тое». Частку лістоў, як вязню паведаміў аператыўны работнік, перадалі следчаму. Інфармацыі па справе таксама няма, Ілля нават не ведае, хто яго следчы.
Тэрмін утрымання вязня пад вартай працягнуты да 30 сакавіка
Гомельскі валанцёр Ілля Міронаў, які таксама вядомы тым, што напісаў больш за 2500 лістоў палітвязням, быў затрыманы 30 верасня па крымінальнай справе, заведзенай за каментарыі ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка.
Ілля праходзіць па крымінальнай справе па артыкулах 369 КК (абраза прадстаўніка ўлады) і 130 КК (распальванне сацыяльнай варожасці).
У зняволенні ў Іллі рэзка пагоршылася здароўе. «Яму цяжка псіхалагічна, шмат праблем са здароўем, нават нейкія ўколы яму робяць, вялікія праблемы з вачыма», — распавядала маці вязня.
Чытайце таксама:
«Баюся, магу не датрываць да суда»: зняволены валанцёр Міронаў, што адправіў 2500 лістоў палітвязням, даслаў ліст адчаю
-
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка
-
Рэйтынг найлепшых гарадоў свету — 2026. На якім месцы Мінск?
-
Беларуска перакладала для прэзідэнта Эквадора, працавала сцюардэсай, а цяпер адкрыла ў Мексіцы сваю моўную школу «Руская з рускай»
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка1
Каментары