Лукашэнка сёння выступаў перад работнікамі КДБ.
Пра што ён казаў, цытуем паводле «Пула першага».
Гібрыдная вайна
«Што тычыцца той сітуацыі, якая складваецца вакол і ўнутры Беларусі — гэта толькі вяршыня айсберга. Менавіта вы ведаеце глыбіню і адваротны бок ўсіх сродкаў і метадаў ўздзеяння, накіраваных на нас. Такіх, як інспіраванне дзяржаўнага перавароту, арганізацыя тэрарыстычных актаў, акцый па застрашванні насельніцтва, правядзенне агрэсіўнай інфармацыйнай вайны, спробы разбурыць эканоміку. Словам, гібрыдная вайна. Менавіта такія войны ў сучасную эпоху будуць ва ўсіх кропках нашай планеты, калі будуць. І канчатковая кропка гэтай гібрыднай вайны, вядома ж, ваенная агрэсія. Пакуль мы да гэтага не дайшлі».
Санкцыі
«Нашу эканоміку, як і раней, будуць выпрабоўваць санкцыямі. Але мы можам іх пераадолець, мы іх пераадольваем».
Інфармацыйная агрэсія
«Спробы запалохаць людзей і схіліць да здрады, каб дэзарганізаваць працу найбольш буйных прамысловых прадпрыемстваў, аб'ектаў транспарту, энергетыкі, сувязі, будуць працягвацца. Інфармацыйная агрэсія будзе павялічвацца. На дыскрэдытацыю дзяржавы ў вачах насельніцтва кінутыя велізарныя рэсурсы».
«Хацеў бы выдзеліць асобна тыя спробы кібератакі, якія прадпрымаліся супраць нас. Гэта падобна да біялягічнай зброі, і яшчэ нават больш магутнай. Не трэба ні танкі, ні кулямёты, ні ракеты высокадакладныя. Дастаткова здзейсніць масаваныя кібератакі на эканамічныя аб'екты, суб'екты любой краіны. І гэтага будзе дастаткова, каб перавярнуць краіну. Таму гэтаму кірунку барацьбы і КДБ, і іншым структурам трэба надаць асаблівую ўвагу».
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар8
Каментары