28 сакавіка Гродзенскі абласны суд пачне разгляд крымінальнай справы расіянкі Сафіі Сапегі.
Сапегу будуць судзіць у закрытым рэжыме з-за «дакументаў з інфармацыйнай прадукцыяй экстрэмісцкага зместу».
Грамадзянку Расіі, затрыманую 23 мая 2021 года разам з Раманам Пратасевічам пасля пасадкі ў Мінску самалёта Ryanair Афіны — Вільня, абвінавачваюць па сямі артыкулах:
— ч. 3 арт. 130 (распальванне варожасці ў складзе групы асоб),
— ч. 4 арт. 16 і 364 (арганізацыя гвалту і пагроз у дачыненні да міліцыянераў),
— ч. 4 арт. 16 і 365 (арганізацыя пагроз, паклёпа ці распаўсюджванне звестак пра міліцыянераў),
— ч. 4 арт. 16 і 366 (арганізацыя гвалту і пагроз у дачыненні да службовых асоб),
— ч. 4 арт. 16 і 389 (арганізацыя пагрозы забойствам ці гвалту ў дачыненні да суддзяў),
— ч. 4 арт. 16 і 198 (арганізацыя перашкод дзейнасці журналістаў з пагрозай ужывання гвалту),
— ч. 1 і 2 арт. 203-1 (наўмысны збор інфармацыі і персанальных звестак іншай асобы).
Згодна з матэрыяламі справы, дзяўчына нібыта адміністравала шэраг тэлеграм-каналаў, чыя дзейнасць была накіраваная на «дыскрэдытацыю дзейнай улады, распальванне сацыяльнай варажнечы і арганізацыю злачынстваў супраць асобных катэгорых грамадзян», і атрымлівала за гэта аплату.
Пракуратура сцвярджае, што Сапега выканала абавязальніцтвы, прадугледжаныя заключанай з ёй дамовай аб супрацы, і прыняла меры аб уплаце даходаў, атрыманых злачынным шляхам. Таксама дзяўчына напісала прашэнне аб памілаванні на імя Лукашэнкі.
Расследаванне яе справы праводзілася ў Мінску, але справа перададзеная на разгляд у Гродна — магчыма, таму, што Сапега прапісаная ў горадзе Ліда Гродзенскай вобласці.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары