Галоўнай задачай расійскіх узброеных сіл, якія праводзяць спецаперацыю ва Украіне, з'яўляецца знішчэнне «нацыяналістычных батальёнаў», і гэта будзе выканана.
Пра гэта заявіў журналістам прэс-сакратар прэзідэнта Расіі Дзмітрый Пяскоў.
«Галоўнае — гэта вызваляць ўсё-такі [тэрыторыю Украіны] ад гэтых нацыяналістычных батальёнаў. Аперацыя працягваецца, і задачы, якія стаяць, добра вядомыя. Яны павінны быць выкананыя і будуць выкананыя. Ніякіх сумневаў быць не павінна», — сказаў Пяскоў.
Ён адзначыў, што ў тых раёнах, дзе мірных жыхароў не бяруць у закладнікі і пры абстрэлах не пакутуюць сацыяльныя аб'екты і дамы, — там «наладжваецца мірнае жыццё».
«А ў тых месцах, дзе нацыяналістычныя батальёны займаюцца тым, што я ўжо сказаў, там адбываецца жорсткая барацьба і там яны ўсе падлягаюць знішчэнню», — дадаў прадстаўнік Крамля.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Каментары