Адток кадраў з IT-cферы б'е рэкорды. У сакавіку ён склаў больш за 1000 чалавек
Пабітыя рэкорды па колькасці звольненых айцішнікаў З ІТ-кампаній. У першым квартале гэтага года адбыўся рэкордна вялікі адток спецыялістаў. Асноўны «ўклад» унёс месяц сакавік, які стаў таксама рэкордным па колькасці звольненых айцішнікаў, піша dev.by.
Паводле звестак афіцыйнай статыстыкі, у студзені—лютым з ІТ-кампаній сышло больш за 2,4 тысячы спецыялістаў.
І амаль столькі ж звольнілася за адзін сакавік. У параўнанні з сакавіком мінулага года, колькасць звольненых вырасла на 85%. Так шмат спецыялістаў за адзін месяц з кампаній ніколі не сыходзіла.
Да гэтага максімальная колькасць айцішнікаў была звольненая ў жніўні мінулага года — 1 734 чалавека. Ранейшы рэкорд пабіты на 38,5%.
На дынаміку звальненняў маглі паўплываць санкцыі ў дачыненні да Беларусі праз вайну ва Украіне і адмова замоўцаў працаваць з кампаніямі з Беларусі.
Сітуацыя з найманнем на працу ў сакавіку таксама пагоршылася.
За гэты месяц ІТ-кампаніі працаўладкавалі 1387 спецыялістаў — на 7% менш, чым у студзені, і на 14% менш, чым у лютым. Адносна сакавіка мінулага года колькасць працаўладкаваных спецыялістаў скарацілася на 14%.
Больш за тое, за апошнія 15 месяцаў толькі ў студзені і лютым мінулага года кампаніі нанялі менш супрацоўнікаў, чым у сакавіку гэтага года.
Усяго за першы квартал ІТ-кампаніі ўзялі на працу амаль 4,5 тысячы спецыялістаў — на 17% больш, чым за такі ж перыяд мінулага года, дзякуючы студзеню і лютаму. Звольнілася з ІТ-кампаній у студзені-сакавіку амаль 4,9 тысячы спецыялістаў — на 38% больш, чым за аналагічны перыяд 2021 года.
У цэлым за студзень-сакавік з ІТ-кампаній звольнілася на 8,5% больш спецыялістаў, чым працаўладкавалася.
Чысты адток кадраў (розніца паміж прынятымі і звольненымі спецыялістамі) склаў амаль 380 чалавек.
У сакавіку чысты адток — больш за 1000 чалавек. Гэта самы вялікі адток спецыялістаў на працягу месяца за апошнія некалькі гадоў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»24
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары