Генсак ААН прапанаваў змякчыць санкцыі супраць беларускіх і расійскіх угнаенняў
Генеральны сакратар ААН Антоніу Гутэрыш прапануе змякчыць абмежаванні на экспарт калійных угнаенняў з Беларусі і Расіі. Пра гэта паведамляе газета The Wall Street Journal са спасылкай на крыніцы. Пастаянны прадстаўнік ЗША пры ААН Лінда Томас-Грынфілд пацвердзіла, што перамовы па гэтым пытанні ідуць, піша Zerkalo.io.
Гаворка ідзе аб тым, каб у абмен Расія прапусціла судны са збожжам з украінскіх партоў.
Газета адзначае, што ў перамовах па гэтым пытанні ўдзельнічае Турцыя, якая магла б прыняць удзел у размініраванні партоў і забеспячэнні марскога трафіку.
У выніку заключэнне такой здзелкі магло б змякчыць харчовы крызіс. У ААН асцерагаюцца, што рост цэн на збожжавыя і дэфіцыт харчавання могуць дэстабілізаваць абстаноўку ў бедных краінах, якія залежаць ад украінскага збожжа, і прывесці да канфліктаў.
ААН вядзе перамовы з прадстаўнікамі Расіі і Украіны аб тым, як можна разблакаваць калідоры ў Чорным моры, каб вывезці збожжа з Украіны. Пра гэта заявіла пастаянны прадстаўнік ЗША пры арганізацыі Лінда Томас-Грынфілд на канферэнцыі па забеспячэння глабальнай харчовай бяспекі.
Яна паведаміла, што 19 мая адбудзецца пасяджэнне Рады Бяспекі ААН пры ўдзеле дзяржсакратара ЗША Энтані Блінкена, дзе будуць абмяркоўвацца пытанні аб папаўненні ўкраінскай сельгаспрадукцыі на сусветным рынку.
Беларусь з'яўляецца адным з асноўных гульцоў на сусветным рынку калійных угнаенняў. Летась ЕС увёў забарону на пастаўкі і транзіт часткі прадукцыі «Беларуськалія», ЗША ўвялі санкцыі супраць самой кампаніі і БКК — афіцыйнага экспарцёра прадукцыі. Да абмежавальных захадаў далучыліся Канада, Вялікабрытанія.
У пачатку гэтага года Літоўская чыгунка спынілі транспарціроўку калійных угнаенняў з Беларусі для паставак у трэція краіны.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ1
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары