Абітурыенты БДУ змогуць падаць дакументы адначасова на спецыяльнасці розных факультэтаў, але ёсць нюансы
У БДУ запусцілі пілотную ініцыятыву, у рамках якой абітурыенты змогуць адначасова падаць дакументы на спецыяльнасці розных факультэтаў.
Ініцыятыва стала магчымая за кошт абноўленага функцыяналу асабістага кабінета абітурыента, але пакуль тычыцца толькі дзвюх груп спецыяльнасцяў матэматычнага і фізічнага профіляў, паведамляецца на сайце ВНУ.
Для якіх спецыяльнасцяў гэтая магчымасць даступная.
У склад першай групы ўвайшлі факультэты прыкладной матэматыкі і інфарматыкі, а таксама механіка-матэматычны і сумесны інстытут БДУ і Даляньскага політэхнічнага ўніверсітэта.
Да другой групы адносяцца спецыяльнасці факультэтаў радыёфізікі і камп'ютарных тэхналогій, фізічнага, Міжнароднага дзяржаўнага экалагічнага інстытута імя Сахарава і сумеснага інстытута БДУ і Даляньскага політэхнічнага ўніверсітэта.
Паведамляецца, што падчас электроннай падачы дакументаў абітурыент павінен указаць прыярытэтныя для яго спецыяльнасці абранай групы факультэтаў. У далейшым, калі ён не праходзіць на спецыяльнасць абранага факультэта, аўтаматызаваная сістэма прапануе яму іншую спецыяльнасць з яго спісу прыярытэтаў.
Калі гэта спецыяльнасць іншага факультэта, то дакументы будуць перанакіраваныя супрацоўнікамі тэхнічнага сакратарыята пры ўмове, што выбар праходзіць у рамках адной групы, і абітурыенту не прыйдзецца ўручную іх перанакіроўваць у сакратарыят іншых факультэтаў.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары