У мінскім бары наведвальнік пацярпеў пры адкрыцці шампанскага шабляй
У адным з бараў у Савецкім раёне Мінска кліенты замовілі шампанскае «з урачыстым адкрыццём з дапамогай дэкаратыўнай шаблі». У гэтым бары была такая паслуга, і верагодна, што аказвалася да гэтага шмат разоў. Але адзін раз усё пайшло паводле нечаканага сцэнарыя, паведамляе пракуратура.
Увогуле такая працэдура — не нейкая арыгінальная самадзейнасць уладальнікаў бара. Такі спосаб адкрыцця бутэлькі з шампанскім, праз адбіванне гарлавіны бутэлькі пры дапамозе шаблі, распаўсюджаны ў свеце і завецца сабраж.
Але гэтым разам працэдуру правялі непрафесійна. Верхняя частка бутэлькі, адкалоўшыся і вылецеўшы разам з коркам, патрапіла проста ў кліента. У выніку наведвальнік бара атрымаў «лёгкае цялеснае пашкоджанне ў выглядзе рэзанай раны пярэдняй паверхні грудной клеткі».
Пракуратура, расследаваўшы сітуацыю, «выявіла парушэнні заканадаўства ў бяспецы жыццядзейнасці насельніцтва, якія пацягнулі траўміраванне грамадзян падчас знаходжання ў забаўляльнай установе».
Дырэктар бара атрымаў прадпісанне ліквідаваць парушэнні, што і было ім выканана.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары