Узяліся за галоўнае ІТ-медыя: затрыманыя дырэктар і бухгалтар dev.by
Пра гэта паведамляюць каналы сілавікоў.
Праўладныя тэлеграм-каналы паведамляюць, што «пара грала важную ролю ў працы партала, на якім мэтанакіравана распальваліся негатыўныя эмоцыі да сваёй краіны ва ўгоду так званым еўрапейскім каштоўнасцям».
Дырэктара клічуць Віталь Андрас, і яму 44 гады. Ён скончыў БНТУ у 2000 годзе, а з 2017-га па 2019-ы навучаўся ў Польшчы ў магістратуры Акадэміі Леона Казьмінскага на спецыяльнасці «бізнэс-адміністраванне». 22 лістапада 2020 года яго затрымлівалі за ўдзел у пратэсце, а пасля арыштавалі на 15 сутак па артыкуле 23.34 (цяперашні 24.23).
Затрыманы бухгалтар — Алена Андрас. Ёй 41 год і яна жонка спадара Віталя.
Партал dev.by належыць кампаніі Віктара Пракапені VP Capital і заснавальніку партала Арцёму Канцавому.
Удакладненне: спачатку мы памылкова паведамілі пра затрыманне галоўнага бухгалтара Dev.by Святланы Кароткай, бо ў такой фармулёўцы пра гэта паведамілі сілавікі. Высветлілася, што гэта няпраўда.
Малады работнік «Мінск-Арэны» павінен заплаціць 71 мільён даляраў4
Каментары