Генеральная пракуратура Малдовы выставіла абвінавачванне супраць Ігара Дадона па справе аб незаконных схемах пры закупцы электраэнергіі з 2008 па 2009 год праз прадпрыемства Energocom. Экс-прэзідэнт абвінавачваецца ў перавышэнні паўнамоцтваў у інтарэсах злачыннай групоўкі, паведамляе Newsmaker.md.
Дадон абвінавачваецца ў тым, што, займаючы пасаду міністра эканомікі і гандлю (прэзідэнтам ён быў у 2016—2020 гадах), падпісаў указ, на падставе якога ў маі 2008 года гендырэктар Energocom заключыў з венгерскай кампаніяй кантракт аб закупцы электраэнергіі па завышанай цане, нанёсшы дзяржаве шкоду ў $11,9 млн», — адзначылі ў пракуратуры.
Таксама, паводле паведамлення пракуратуры, Дадона сёння ўжо дапыталі і выставілі яму абвінавачванні. Пры гэтым экс-прэзідэнт віну не прызнаў.
У верасні 2021 года Генпракуратура паведаміла, што завяла крымінальную справу па факце крадзяжу дзяржаўных грошай з дапамогай незаконных схем імпарту электраэнергіі ў Малдову.
Па даных следства, на пачатку 2008 года кіраўніцтва прадпрыемства Energocom, якое пастаўляе ў Малдову электраэнергію, у змове з чыноўнікамі Міністэрства эканомікі, Нацагентства рэгулявання ў энергетыцы (НАРЭ) і іншымі асобамі, у тым ліку тымі, якія жывуць за межамі краіны, рэалізавалі злачынную схему. Яны неабгрунтавана павялічылі закупачную цану на электраэнергію і прысвоілі розніцу ў цане.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў2
Каментары