Ва Уздзенскім раёне знайшлі целы тапельцаў: 48-гадовай жанчыны і 7-гадовага хлопчыка. Папярэдне ўстаноўлена, што яны пайшлі купацца і ўтапіліся, паведамляе прэс-служба Следчага камітэта.
27 чэрвеня ў рацэ Вуса ў Уздзенскім раёне мясцовы жыхар знайшоў цела жанчыны. Пры высвятленні абставінаў яе гібелі ў вадзе таксама выявілі цела дзіцяці.
Папярэднім следствам вызначана, што днём 26 чэрвеня 48-гадовая жанчына разам з 7-гадовым хлопчыкам, які знаходзіўся пад яе апекай, пайшлі купацца і патанулі. Целы загінулых дасталі з вады работнікі МНС.
Уздзенскім раённым аддзелам Следчага камітэта па гэтым факце праводзіцца праверка. Высвятляюцца ўсе абставіны здарэння.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары