Кобрынца прысудзілі да 2-х гадоў «хатняй хіміі» за надпісы ў падтрымку Украіны
Жыхара Кобрына Уладзіміра Кавалёва прысудзілі да 2-х гадоў абмежавання волі без адпраўлення ў выпраўленчую ўстанову. Мужчыну абвінавацілі ў нанясенні на фасады будынкаў пратэсных надпісаў, піша «Брэсцкая Вясна».
7 сакавіка ў Кобрыне на фасадах будынкаў з'явіліся надпісы: «Слава Украіне», «Смерць рашысцкім акупантам». На наступны дзень гэтыя выказванні былі замаляваныя, але 18 сакавіка з'явіліся іншыя: «Лукашысты — фашысты», «Слава Украіне».
За гэтыя надпісы распачалі крымінальную справу супраць Кавалёва Уладзіміра Мікалаевіча, у яго дома зладзілі вобшук.
27 чэрвеня пачаўся суд. Працэс праходзіў паказальна, таму правялі яго не ў будынку кобрынскага суда, а ў мясцовым політэхнічным каледжы.
5 ліпеня суддзя Таццяна Каберская агучыла прысуд: прызнаць Кавалёва вінаватым па арт. 341 КК (Апаганьванне збудаванняў і псаванне маёмасці). За гэта яму прызначаныя 2 гады абмежавання волі без накіравання ў папраўчую ўстанову (так званая «дамашняя хімія»).
-
У санаторый пад Маладзечнам завезлі на лячэнне «ветэранаў СВА»
-
«Экстрэмісцкімі» прызналі інстаграм-старонку Канстанціна Каверына і 250 стыкераў
-
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы14
Каментары