«Гэта быў я, ідзе следства». Міна, закладзеная на рэйках у Расіі, выбухнула перад беларускім машыністам
У Бранскай вобласці 9 ліпеня перад беларускім цягніком выбухнула самаробная міна, якая пашкодзіла каляіну, а таксама пакрышыла вокны лакаматыва. Цеплавоз вёў гамяльчук Віталь Гірынаў.
«Каментаваць нічога не буду, ідзе следства, я даваў паказанні», — кажа Гірынаў. Ніякіх сур'ёзных пашкоджанняў ён не атрымаў.
Сам Гірынаў родам з Гомеля, працуе ў гомельскім дэпо.
Аб падрыве на каляіне на перагоне Робчык-Пясчанка 9 ліпеня паведаміў губернатар Бранскай вобласці.
Потым аказалася, што гэта быў беларускі састаў. Цеплавоз належаў гомельскаму дэпо «ТЧ-8». Канал чыгуначнікаў паведамляе, што лакаматыў ужо вярнуўся ў Гомель, лабавое шкло заменена.
Беларуская каманда не пацярпела, толькі спалохалася.
Хто і чаму заклаў выбухоўку на рэйкі, невядома. Мяркуецца, гэта звязана з вайной, развязанай Пуціным супраць Украіны.
Калі Канапацкая стала цалкам падкантрольная Лукашэнку?22
Каментары