«Усе словы, якія круцяцца ў галаве і на языку, — усё не тое». Наста Дашкевіч падзякавала за падтрымку
Шматдзетным бацькам Змітру і Насце Дашкевічам 14 ліпеня прысудзілі 1,5 года калоніі і 3 гады «хатняй хіміі» адпаведна. Сёння Наста ў Фэйсбуку звярнулася да людзей, якія падтрымлівалі іх сям’ю.
«Дарагія сябры, у Змітра будзе дзень народзінаў 20.07. Давайце падтрымаем яго заказнымі лістамі і тэлеграмамі на адрас: Мінск, Валадарскага, 2, СІЗА 1. 220030 Дашкевічу Д. В.
А я ў сваю чаргу хачу сказаць усім дзякуй за падтрымку і добрыя словы. Дзякуй усім, хто дапамагаў і быў побач.
Магчыма, варта было б сказаць нешта болей, але ўсе словы, якія круцяцца ў галаве і на языку, — усё не тое. Галоўнае, што я ўдзячная Госпаду за тое, што правёў і вывеў».
Каментары