Зяленскі пра абстрэл Адэскага порта: Расія будзе знаходзіць шляхі не выконваць абяцанні
Прэзідэнт Украіны пракаментаваў сённяшні ракетны ўдар па Адэскім порце. Ён падкрэсліў, што гэта здарылася менш чым праз суткі пасля дамоўленасцей у Стамбуле аб экспарце ўкраінскага збожжа.
«Гэта сведчыць толькі пра адно: што б ні казала і абяцала Расія, яна будзе знаходзіць шляхі, як гэта не выконваць. Геапалітычна, зброяй, крывава ці не, але ў яе ёсць некалькі вектараў, якімі яна заўсёды дзейнічае», — сказаў Зяленскі ў Кіеве на сустрэчы з дэлегацыяй Палаты прадстаўнікоў Кангрэса ЗША.
Таксама прэзідэнт Украіны падзякаваў ЗША за абвешчаны нядаўна пакет дапамогі ў галіне бяспекі і падкрэсліў, што краіне асабліва патрэбны пускавыя ўстаноўкі HIMARS, снарады і беспілотныя лятальныя апараты.
Зяленскі праінфармаваў дэлегацыю Палаты прадстаўнікоў пра работу па пасляваенным аднаўленні Украіны, першым этапам якой з'яўляецца рэалізацыя Fast Recovery Plan — плана хуткага аднаўлення разбуранай жыллёвай, адукацыйнай, медыцынскай інфраструктуры.
«Звяртаемся да нашых партнёраў, у тым ліку Злучаных Штатаў, з прапановай ужо зараз прыняць актыўны ўдзел у выкананні гэтага амбіцыйнага, але вельмі важнага праекта», — цытуе прэзідэнта Украіны яго прэс-служба.
-
60-гадовы мужчына, які ў 2020-м назіраў за выбарамі з табурэткі праз бінокль, пасля адваяваў два гады ва Украіне
-
Як украінскія інжынеры ператварылі лёгкі самалёт ва ўдарны беспілотнік, што можа далятаць да Масквы
-
«Пуцін свядома абраў Каляды для нападу». Расія нанесла чарговы масіраваны ўдар па энергетыцы Украіны
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна11
Каментары