Пры Саюзе стралкоў Літвы створанае падраздзяленне для замежнікаў, там будуць і беларусы
На пасяджэнні Літоўскага клуба пры Саюзе стралкоў у Каўнасе 30 ліпеня было прынятае рашэнне аб стварэнні міжнароднага падраздзялення, у якое ўвойдуць замежнікі, у тым ліку і беларусы, паведамляе «Белсат».
Падраздзяленне будзе дзейнічаць як філіял пры Саюзе стралкоў Літвы.
Саўлюс Пэчалюнас, былы сябра Сейма, звярнуў увагу на супольную гісторыю беларусаў і літоўцаў.
«Душа Вялікага Княства Літоўскага яна жывая, нашы народы вельмі адчуваюць блізкасць паміж сабой у цяжкіх сітуацыях. У 1920 годзе быў цэлы беларускі батальён у нашым войску, які змагаўся за незалежнасць у баях з бальшавікамі. Такое падраздзяленне было, мы яго памятаем. Гэта гісторыя, якая ў некаторых іншых праявах вяртаецца. Яна нікуды не падзелася, гэтая гістарычная памяць яна ўсё ж існуе, трэба гэтым карыстацца, гэта наш здабытак», — заявіў Саўлюс Печалюнас.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне27
Каментары