Пасьля таго як беларускі прэм’ер сказаў, што нельга апраўдаць набыцьцё замежных прадуктаў (маўляў, іх і ў нас можна вырабляць) ва ўрадзе пачалі рыхтаваць сьпіс «беспадстаўнага імпарту».
– Ёсьць тавары, якія мы не вырабляем ці вырабляем у нязначнай колькасьці, якія мы ўвозілі і будзем вывозіць. Напрыклад, марская рыба, алей, гарбата і кава, – патлумачыў на прэс-канфэрэнцыі першы намесьнік міністра гандлю Міхаіл Сьвянціцкі. – Але ёсьць такія пазыцыі, якія на наш погляд, увозяцца неабаснавана.
У сьпісе такіх тавараў, які намесьнік міністра захапіў на прэс-канфэрэнцыю, аказаліся мука, макарона, фруктовыя сокі, безалкагольныя напоі, абутак, дываны, прасы.
Змагацца з замежнымі прасамі ўрад зьбіраецца па-рознаму. Па-першае, чыноўнікі далі клопаты беларускай прамысловасьці, маўляў, трэба такое ж, але сваё. А, па-першае, будуць увозіцца абмежаваньня на ўвоз.
– Пасьля размовы ў прэм’ер-міністра мы выйшлі з прапановай падрыхтаваць пастанову ўраду аб увядзеньні часовых мытных пошлін на ўвоз гародніны, таму што зараз няма неабходнасьці ўвозіць такія аб’ёмы бульбы, буракоў, капусты, – прывёў прыклад намесьнік міністра.
Па ідэі, пошліна зрабіла замежную гародніну дарагой, і беларусы стануць купляць айчынныя. Падаражаньне, здаецца, чакае і замежныя прасы, сокі, бацінкі.
«Комсомольская правда» в Белоруссии»
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары