Financial Times: Еўрасаюз скасуе спрошчаную выдачу віз для расіян, адносна Беларусі кансэнсусу няма
Брытанскае выданне Financial Times са спасылкай на трох чыноўнікаў Еўрасаюза расказала, што міністры замежных спраў ЕС, хутчэй за ўсё, падтрымаюць чэшскую прапанову наконт скасавання спрошчанага парадку выдачы віз грамадзянам Расіі. Пра канчатковае рашэнне маюць паведаміць падчас двухдзённай сустрэчы міністраў у Празе 30—31 жніўня.
Калі Еўрасаюз сапраўды скасуе пагадненне, то расіянам давядзецца плаціць 80 еўра консульскага збору замест цяперашніх 35, а таксама давядзецца даўжэй чакаць віз.
У Еўрасаюзе хацелі б пайсці далей за гэта ў пытанні віз для расіян, але ў Бруселі няма адзінства адносна поўнага спынення выдачы для іх віз.
Таксама няма кансэнсусу адносна пашырэння візавых санкцый супраць Беларусі, расказвае брытанскае выданне са спасылкай на еўрапейскіх чыноўнікаў.
Некаторыя краіны, як Германія, выступаюць супраць поўнага візавага бану для Расіі — хочуць больш выбарачнага падыходу. Але асобныя краіны ўжо спынілі выдачу віз расіянам, хоць шэнгенская дамова працуе так, што калі адна краіна не выдае візы расіянам, а іншая выдае, то першая абавязаная ўпусціць чалавека з візай ад другой.
Найбольшыя прыхільнікі забароны выдачы віз расіянам — краіны, якія маюць мяжу з Расіяй: Польшча, Літва, Латвія, Эстонія і Фінляндыя.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары