Спорт за дзень: БАТЭ і «Дынама» Мінск па нулях, «Мяшкоў» здабыў суперкубак
Фота: БАТЭ
Футбалісты БАТЭ і мінскага «Дынама» згулялі ўнічыю ў матчы 21-га тура чэмпіянату Беларусі.
У першым тайме на «Барысаў-Арэне» невялікая перавага была на баку гаспадароў, але рэалізаваць яе яны не змаглі. Пасля перапынку менчукі сталі дзейнічаць вастрэй і стварылі некалькі небяспечных момантаў ля брамы БАТЭ. Але забіць не забіў ніхто — 0:0.
Іншыя вынікі матчаў сёння.
«Іслач» у гасцях разграміла «Мінск» 5:1.
У Магілёве «Дняпро» перамог «Віцебск» 2:1.
«Арсенал» Дзяржынск — «Дынама» Брэст 0:2.
«Славія» Мазыр — «Слуцк» 1:1.
Гандбалісты клуба «Мяшкоў Брэст» сталі першымі ўладальнікамі Суперкубка Беларусі сярод мужчынскіх каманд. У сябе на радзіме яны лёгка абыгралі мінскі СКА 34:29.
Каментары