Пастар евангельскай царквы «Ян Прадвеснік» Антоній Бокун атрымаў штраф у 100 базавых велічынь (3200 рублёў) і цяпер ужо знаходзіцца дома.
![](http://nashaniva.com/img/w840d4webp1/photos/z_2022_09/308555937_5201971223263217_1396285798775663174_n-lum1e-dkxnx.jpg.webp)
Антонія Бокуна затрымалі ўчора ўдзень. Ператрус дома не праводзілі, але забралі тэхніку.
Магчыма, затрыманне можа быць звязанае з затрыманнем у Мінску Вячаслава Ганчарэнкі — пастара іншай евангельскай царквы, «Новае жыццё» (яго аштрафавалі на 3200 рублёў).
Мінская царква «Ян Прадвеснік» — адна з найбольш патрыятычных беларускіх пратэстанцкіх цэркваў, яна працуе па-беларуску і ўсяляк падтрымлівае нацыянальную мову і культуру.
Каментары