Генштаб: Аснову саюзнай рэгіянальнай групоўкі складзе беларуская армія, расіяне пачнуць прыбываць у найбліжэйшыя дні
Намеснік начальніка Генштаба Узброеных сілаў Беларусі па навуковай працы палкоўнік Віктар Тумар расказаў, як мае выглядаць рэгіянальная групоўка войскаў «Саюзнай дзяржавы», стварэнне якой у Беларусі нядаўна анансавалі Лукашэнка і Міністэрства абароны.
Аснову рэгіянальнай групоўкі, па словах Тумара, складуць «Узброеныя сілы Беларусі па штаце мірнага часу, а таксама асобныя вайсковыя фармаванні Расійскай Федэрацыі».
Пры гэтым Рэгіянальная групоўка, падкрэсліў ён, «з'яўляецца выключна абарончым праектам», задача якой — «узмацненне аховы і абароны дзяржаўнай мяжы Рэспублікі Беларусь для зніжэння ваеннай актыўнасці ў прыгранічных раёнах».
Войскі з расійскага складніка Рэгіянальнай групоўкі, паводле вайсковага чыноўніка, пачнуць прыбываць на тэрыторыю Беларусі «літаральна ў найбліжэйшыя дні». Колькасць іх Віктар Тумар не назваў.
Чытайце таксама:
Што азначае разгортванне рэгіянальнай групоўкі? Беларускае войска плануе ўступіць у вайну?
«Каб зняць занепакоенасць беларускіх братоў». У Дзярждуме РФ заявілі, што сумесную групоўку ў Беларусі разгарнулі па просьбе Лукашэнкі
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары