Эксперт: Аператыўнай паўзы не будзе. Пасля Херсона ўкраінскія войскі пойдуць на Марыупаль, Мелітопаль і Крым
Пра наступныя верагодныя напрамкі атакі УСУ каналу «Можем объяснить» распавёў ваенны эксперт Міхаіл Самусь.
«Рэч у тым, што ўкраінскае войска цяпер атрымлівае магчымасць поўнага агнявога кантролю левага берага. Тыя ж самыя HIMARS цяпер апынаюцца на адлегласці 80 км ад подступаў да Крыма. І чыгуначныя вузлы, якія знаходзяцца ў Крыме, будуць пад агнявым кантролем», — адзначае эксперт.
Як лічыць суразмоўца «МО», Уладзімір Пуцін даўно хоча замарозіць ваенны канфлікт, таму расійскае кіраўніцтва ўсё часцей гаворыць пра перамовы. Але для ўкраінскай арміі ў цяперашні момант няма ніякага сэнсу спыняць контрнаступленне.
«Не будзе аператыўнай паўзы. Паколькі фронт будзе зафіксаваны па Дняпры, там УСУ няма сэнсу трымаць вялікія сілы. Гэтыя сілы можна будзе перанаправіць на іншыя кірункі. Я думаю, што гэта будуць Марыупаль і Мелітопаль. Мелітопаль быў галоўным лагістычным хабам, праз які войскі ішлі з тэрыторыі Расіі. І Расіі трэба рыхтаваць лініі абароны», — упэўнены Самусь.
Адначасова захоўваецца высокая верагоднасць абстрэлаў Херсона з левага берага Дняпра. «Наколькі вялікія сілы там будзе трымаць Расія, каб знішчыць Херсон, — залежыць ад падзей на фронце», — мяркуе Самусь.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары