Экс-куратар расійскага ВПК Дзмітрый Рагозін «ваюе супраць НАТА» ў натаўскай экіпіроўцы. Ягонае адзенне і боекамплект, па падліках канала «Можем объяснить», каштуе каля мільёна рублёў (каля 16 тысяч даляраў).
Першымі на непатрыятычнае абмундзіраванне «кіраўніка групы дарадцаў у зоне СВА» звярнулі ўвагу ў сваіх каналах абураныя ваенкары, а «Можем объяснить» разабралі гэты кейс падрабязна.
Апрануты былы кіраўнік «Раскосмаса» ў аўстрыйскую куртку Carinthia (да мабілізацыі каштавала да 80 тыс. руб.). Таксама ён носіць турэцкую бронекамізэльку фірмы BIKATEX. Ваенкары здзіўляюцца, чаму менавіта яе, а не айчынны камплект «Ратнік», які сам хваліў і патрабаваў паставіць на ўзбраенне яшчэ ў 2013-м.
У камізэльцы — ражкі для нямецкага пісталета-кулямёта MP-5 (у «Матрыцы» яго выкарыстоўваў Неа ў перастрэлцы са спецназам) і магазіны да амерыканскага аўтамата FN SCAR-H, зброі рэйнджараў. Цэны ствалоў — ад 350 тыс.
Рагозін таксама пазіруе з мадыфікацыяй амерыканскай штурмавой вінтоўкі AR-15 і пісталетам, падобным на Glock-18.
Нават чаравікі ў Рагозіна — славацкія (Zephire, ад 25 тыс.).
А з расійскага у Рагозіна толькі шлем ад «Армакома» (цана ад 120 тыс.).
-
Вучыч прывёў у прыклад беларускую роўнасць рэгіёнаў і паставіў Барысаў у адзін шэраг з Мінскам
-
Украіна створыць Нацыянальны пантэон у Кіева-Пячэрскай лаўры. Чым ён будзе адрознівацца ад афіцыёзнага пантэона ў Беларусі?
-
У Тэгеране праходзіць развітанне з Алі Хаменеі: Мядзведзеў пагражае блакадай праліваў, а новы лідар Ірана хаваецца ў бункеры
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі7
Каментары