Памёр выканаўца ролі напарніка ў культавым «Крутым Уокеры» Кларэнс Гільярд
Амерыканскі акцёр Кларэнс Гільярд, найбольш вядомы па ролі ў серыяле «Круты Уокер: правасуддзе па-тэхаску» (у арыгінале — «Walker, Texas Ranger»), памёр у ЗША ва ўзросце 66 гадоў.
Пра гэта піша Variety са спасылкай на паведамленне Каледжа прыгожых мастацтваў пры Невадскім універсітэце ў Лас-Вегасе (UNLV), дзе артыст выкладаў на працягу доўгіх гадоў.
Кларэнс Гільярд нарадзіўся ў штаце Вашынгтон у 1955 годзе. Сваю акцёрскую кар'еру ён пачаў у 1986 годзе, калі з'явіўся ў фільме «Найлепшы стралок» з Томам Крузам. Вядомасць Гільярд набыў дзякуючы серыялу «Круты Уокер: правасуддзе па-тэхаску», які выходзіў з 1993-га па 2001 год. Там ён сыграў рэйнджара Джэймса Трывета — напарніка Кордэла Уокера ў выкананні Чака Норыса.
Сярод іншых вядомых праектаў з удзелам Гільярда — шматсерыйная юрыдычная драма «Мэтлак», якая выходзіла з 1986-га па 1995 год, а таксама баявік «Моцны арэшак», дзе ён сыграў тэрарыста і камп'ютарнага генія Тэа. Усяго Гільярд прыняў удзел у трох дзясятках праектаў у кіно і на тэлебачанні.
Прычын смерці акцёра пакуль не называюць. Па неафіцыйных даных, на працягу доўгага часу ён змагаўся з цяжкай хваробай.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары