Памёр 12-гадовы хлопчык, якога ў лістападзе прыціснула футбольнымі варотамі на адной са спартыўных пляцовак Мінска. Пра гэта паведамляе «Смартпресс» са спасылкай на крыніцы, блізкія да сям'і дзіцяці.
![](http://nashaniva.com/img/w840d4webp1/photos/z_2022_11/vorota_minsk-xa3l6.jpg.webp)
Пахаванне адбудзецца сёння.
Здарэнне адбылося днём 12 лістапада на спартыўнай пляцоўцы каля жылых дамоў на вуліцы Фогеля. 12-гадовы хлопчык, які гуляў у футбол з сябрамі, заскочыў на вароты і пачаў разгойдвацца. Пад цяжарам цела падлетка металічная канструкцыя ўпала проста на яго.
Дзіця атрымала цяжкую чэрапна-мазгавую траўму і знаходзілася ў рэанімацыі на апараце штучнай вентыляцыі лёгкіх, яго стан ацэньваўся як цяжкі. Хлопчыку зрабілі аперацыю. Але выратаваць яго не ўдалося.
Каментары