Паўднёвая Карэя ў дадатковы час вырвала перамогу ў Партугаліі і пракінула Уругвай міма плэй-оф
Зборная Паўднёвай Карэі заваявала пуцёўку ў 1/8 фіналу ЧС-2022. У 3-м туры групы Н карэйцы перамаглі партугальцаў — 2:1.
Лік у гульні адкрыў нападаючы зборнай Партугаліі Рыкарду Орта. На 27-й хвіліне Кім Ён Вон аднавіў раўнавагу, а пераможны мяч з перадачы Сон Хын Міна ужо ў дададзены да асноўнага час забіў Хван Хі Чхан.
Іншы прэтэндэнт на выхад у плэй-оф, Уругвай у матчы, які адбываўся паралельна, з лікам 2:0 перамог Гану, але саступіў карэйцам па розніцы забітых мячоў. Тут уругвайскі паўабаронца Дэ Араскаэта аформіў дубль.
Выйграла групу Партугалія, якая набрала 6 ачкоў, у аўтсайдэра групы Ганы — усяго 3.
Адметна, што ўпершыню з 2010 года выйшлі з групы дзве азіяцкія каманды-суседкі — Японія і Паўднёвая Карэя. Тады яны, праўда, абедзве прайгралі ўжо ў 1/8 фіналу, як будзе гэтым разам — пакажа найбліжэйшы час.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё26
Каментары