На думку дарадцы кіраўніка Офіса прэзідэнта Украіны, прычыны візіту банальныя.
«Я думаю, усё больш банальна. 1 снежня ў беларускіх Узброеных сілах пачаўся навучальны перыяд. Беларускае войска радасна паскакала на ўсе беларускія палігоны і заняло ўсе навучальныя плошчы, якія Расійская Федэрацыя радасна разлічвала заняць для навучання бягучай хвалі мобікаў і наступнай хвалі мобікаў ці плануе заняць.
Акрамя таго, у расійскім войску катэгарычна не хапае боепрыпасаў, формы, ваеннага рыштунку і г.д. Вось прыехаў Шайгу дамаўляцца, першае — аб парадку выкарыстання вучэбна-матэрыяльнай і інфраструктурнай базы, другое — аб перадачы ўзбраенняў і ваеннай тэхнікі», — сказаў Арастовіч падчас стрыму з Маркам Фейгіным, піша reform.by.
На думку Арастовіча, першае пытанне мог абмеркаваць і які-небудзь генерал, але Аляксандр Лукашэнка патрабуе візітаў высокага ўзроўню, а перадача тэхнікі ўжо адносіцца да кампетэнцыі Мінабароны. У выніку візіт здзейсніў менавіта Сяргей Шайгу.
Арастовіч таксама дадаў, што ўкраінскі бок не бачыць прыкмет фармавання ўдарнай групоўкі на тэрыторыі Беларусі. Ён заявіў, што калі такія прыкметы з'явяцца альбо групоўка будзе сфармаваная, украінскі бок не будзе хаваць падобную інфармацыю.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс17
Каментары