Мінабароны Расіі пацвердзіла атаку на аэрадромы ў Разанскай і Саратаўскай абласцях
Паведамляецца, што дроны нібыта былі збітыя СПА, але пры гэтым загінулі трое вайскоўцаў, чацвёра параненыя.
«Кіеўскім рэжымам у мэтах вывядзення са строю расійскіх самалётаў далёкай авіяцыі былі здзейсненыя спробы нанясення удараў рэактыўнымі беспілотнымі лятаючымі апаратамі савецкай вытворчасці па вайсковых аэрадромах «Дзягілева» ў Разанскай вобласці і «Энгельс» Саратаўскай вобласці», — гаворыцца ў паведамленні расійскага вайсковага ведамства.
Атака на расійскія вайсковыя аэрадромы адбылася зранку 5 снежня. Паведамлялася, што пад Разанню загінулі тры чалавекі, а шасцёра пацярпелі. Таксама быў пашкоджаны самалёт. У Саратаўскай вобласці, як гаварылася, пашкоджанні атрымалі два бамбавікі-ракетаносцы Ту-95, а два вайскоўцы былі параненыя.
У адказ расіяне сёння каля 15-й гадзіны ўдарылі ракетамі па Украіне.
Каментары
А ўчорашні прылёты па стратэгічных аэрадромах- гэта як Юрась Жаўноў ад сваёй брамы тбіліскаму Дынама пры ўводзе мяча з рук забіў у свой час, - вельмі эфектна! Ці гол Шэвы/Філімонава-1999. Ці як бразільцы ў 1/8: вы трапіце ў нас ракетамі, колькі зможаце, а мы па вашым лятаючым металаломе - колькі захочам.)