Вячорка: Рэжым нібыта згодзен на транзіт збожжа без палітычных умоў, санкцыі адмяняцца не будуць
Дарадца Святланы Ціханоўскай Франак Вячорка пракаментаваў інфармацыю, што рэжым Лукашэнкі нібыта згодны на транзіт збожжа без палітычных умоў і Літва не будзе супраць.
Вячорка сказаў наступнае:
«Сёння я размаўляў пра гэта з міністрам [замежных спраў Літвы] Ландсбергісам. Тое, што нібыта рэжым згадзіўся на транзіт збожжа без палітычных умоў — гэта вынік скаардынаванай пазіцыі міжнароднай супольнасці і нашых саюзнікаў. Раней рэжым выстаўляў ультыматум: зняцце санкцый у абмен на транзіт збожжа.
Зрэшты, пакуль рана казаць, ці сапраўды транзіт будзе адбывацца. Мы ведаем, чаго вартыя словы рэжыму — сёння слова даў, заўтра ўзяў. Ёсць таксама пытанне, якім чынам яно будзе дастаўляцца. Чыгуначнае злучэнне парушанае.
Пра зняцце іншых санкцый не ідзе гаворкі. Абсалютна недапушчальна здымаць санкцыі, пакуль рэжым не выканаў ніводнай умовы, рэпрэсіі толькі ўзмацняюцца, а Беларусь усё больш уцягваюць у вайну».
Раней міністр замежных спраў Літвы Габрыэлюс Ландсбергіс пракаментаваў прапанову Беларусі, якая прагучала ў ААН, аб транзіце ўкраінскага збожжа ў літоўскія парты. Міністр лічыць такі варыянт магчымым, калі з ім не будуць звязаныя ніякія палітычныя ўмовы.
Чытайце таксама:
Літва дапусціла перавозку ўкраінскага збожжа праз Беларусь, але без палітычных умоў
Як рыхтаваўся візіт Ціханоўскай у Кіеў і чаму ён некалькі разоў пераносіўся11
Каментары
"- Калі Украіна прызнае яе агульнанацыянальным лідарам Беларусі? Афіцыйна.
- Я думаю, калі Лукашэнка ўвядзе войскі, беларускія войскі ва Украіну, гэтыя працэсы паскорацца, і тады Украіна можа прызнаць Ціханоўскую і пайсці ёй насустрач." - вячорка.
ён што - можа нават жадае, каб Беларусь увяла войскі? ён што - зусім ку-ку?