Намесніка дырэктара прадпрыемства «Гораўтамост» асудзілі за службовую халатнасць — па справе аб абрушэнні пешаходнай часткі пуцеправода па праспекце Пераможцаў праз вуліцу Багдановіча. Суд Цэнтральнага раёна Мінска даў яму 5 гадоў хатняй «хіміі», паведамляе Sputnik.
Мужчына прызнаны вінаватым у неналежным выкананні сваіх службовых абавязкаў з прычыны нядбайнага стаўлення да службы, што пацягнула па неасцярожнасці прычыненне шкоды дзяржаўнай маёмасці ў асабліва буйным памеры, гаворыцца ў рашэнні суда, якое было абвешчана сёння ў Мінску.
Яго судзілі па ч. 2 арт. 428 КК.
Акрамя хатняй хіміі, па рашэнні суда мужчына пазбаўлены права займаць пасады, звязаныя з выкананнем арганізацыйна-распарадчых абавязкаў, на пяцігадовы тэрмін.
Нагадаем, мост на Нямізе абрынуўся ўначы 8 студзеня 2022 года.
Каментары