На сэрцы з надпісам «Марыупаль» у Пецярбургу маркерам нанеслі «Забойцы, вы разбамбілі яго». Улады дэмантавалі канструкцыю
На сэрцы з надпісам «Марыупаль», якое ўсталявана на Палацавай плошчы ў Пецярбургу, маркерам нанеслі надпіс «Забойцы, вы разбамбілі яго. Юды». Пра гэта першым паведаміў тэлеграм-канал Ксеніі Сабчак «Кровавая барыня».
Святлодыёдную канструкцыю, афіцыйная назва якой «Падвойнае сэрца», дэмантавалі. Рабочыя распавялі, што інсталяцыя вернецца на месца, калі яе адмыюць ад «дыскрэдытуючых» надпісаў.
Арт-аб'ект, прысвечаны пабрацімству Пецярбурга і Марыупаля, паставілі на Палацавай плошчы менш за тыдзень таму. Тады пісалася, што ён выклікаў неадназначную рэакцыю жыхароў горада — многія лічаць сэрца з назвай разбуранага падчас баёў горада недарэчным.
Такую ж святлодыёдную канструкцыю яшчэ ў канцы верасня ўлады Пецярбурга адправілі ў Марыупаль.
У маі губернатар Пецярбурга Аляксандр Бяглоў дамовіўся аб пабрацімстве горада з захопленым Марыупалем і паабяцаў аднавіць яго інфраструктуру. Фінансаваць аднаўленчыя работы будуць у тым ліку з бюджэту Пецярбурга.
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе10
Каментары