Для захавання рыбных рэсурсаў і стварэння спрыяльных умоў узнаўлення ментуза ў беларускіх вадаёмах, ва ўсіх рыбалоўных угоддзях з 25 снежня 2022-га па 28 лютага 2023 года забараняюць лавіць гэты від рыбы.Тым, хто не выпусціць выпадкова злоўленую рыбіну назад у вадаём, пагражае штраф да 1824 рублёў.
Мянтуз, ці мянёк — адзіны прадстаўнік сямейства трасковых, які жыве ў прэснаводных вадаёмах (усе астатнія віды жывуць у салёнай вадзе).
Мянтуз — ва ўсіх адносінах дзіўная рыба, мала падобная да іншых прадстаўнікоў іхтыяфаўны. Яна мае даволі «рэліктавую» знешнасць: пра старажытнае паходжанне гэтага віду гаворыць падоўжаная форма цела, мудрагелістае размяшчэнне плаўнікоў і характэрная галава з выяўленымі няпарнымі «вусамі». Таксама рыбіна адзначаецца незвычайным смакам мяса і звышкаштоўнай пячонкай, якая ўтрымлівае шмат тлушчу і вітамінаў.
Сезонная забарона на вылаў звязана з тым, што ў снежні, пасля замярзання вадаёмаў і паніжэння тэмпературы вады да +1°С, пачынаецца масавы рух ментуза на нераст. Нераст праходзіць больш актыўна пры вялікіх маразах, а падчас адлігі можа расцягвацца больш чым на месяц.
Калі ў тэрмін, пакуль дзейнічае забарона, рыбалову ўсё ж трапіўся мянтуз, то, у адпаведнасці з дзейным заканадаўствам, рыба павінна быць выпушчана ў жывым выглядзе туды, дзе яна была вылаўлена.
У выпадку незаконнай здабычы ментуза ў перыяд забароны парушальнік павінен заплаціць штраф за шкоду, прычыненую навакольнаму асяроддзю, у памеры 27 базавых велічынь, што складае 864 рублі (за кожную канфіскаваную асобіну).
Акрамя таго, парушальнік будзе пакараны адміністрацыйным штрафам па ч. 1 арт. 16.25 КаАП Рэспублікі Беларусь у памеры да 30 базавых велічынь, што складае 960 рублёў.
-
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення
-
Колькасць машын на польскай мяжы ўпершыню за два тыдні апусцілася ніжэй за 4000 аўтамабіляў
-
Затрыманы старшыня Паралімпійскага камітэта Алег Шэпель
Каментары