Літва збіраецца дэнансаваць пагадненне з Беларуссю аб памежным супрацоўніцтве
Міністэрства ўнутраных спраў Літвы падрыхтавала праект пастановы ўрада аб дэнансацыі пагаднення аб прынцыпах прыгранічнага супрацоўніцтва паміж Літвой і Беларуссю. Праект будзе ўнесены на зацвярджэнне ў бліжэйшы час, піша reform.by.
Пагадненне было падпісана ў 2006 годзе. Яно ахоплівае супрацоўніцтва ў галіне інфраструктуры, абароны навакольнага асяроддзя, эфектыўнага выкарыстання энергарэсурсаў, турызму, адпачынку, спорту, культурнай спадчыны, адукацыі, дзелавой інфраструктуры, перамяшчэння транспартных сродкаў і пасажыраў праз мяжу, абмен інфармацыяй, аказанне дапамогі на мяжы пры НС.
Намеснік кіраўніка МУС Арнолдас Абрамавічус лічыць наяўнасць такога пагаднення ў бягучых умовах двухсэнсоўным.
«Цяперашняя сітуацыя ненармальная, калі, з аднаго боку, дзейнічае пагадненне аб супрацоўніцтве, а з другога боку, беларускі ўрад заняў канфрантацыйную пазіцыю як у арганізацыі патокаў нелегальных мігрантаў, так і ў непасрэдным удзеле і падтрымцы расійскай агрэсіі. Мы лічым, што наяўнасць такога пагаднення становіцца двухсэнсоўнай», — заявіў ён агенцтву BNS.
Абрамавічус адзначае, што беларускія памежнікі адмаўляюцца супрацоўнічаць з літоўскімі ў пытаннях нелегальнай міграцыі.
«Цяпер ніякага супрацоўніцтва няма. Калі адпраўляюцца запыты, звароты да памежнікаў Беларусі з просьбай аказаць гуманітарную дапамогу нелегальным мігрантам, звычайна гэта заканчваецца тым, што гэтых мігрантаў адціскаюць у бок літоўскай тэрыторыі», — сказаў намеснік кіраўніка літоўскага МУС.
Ён адзначыў, што пагадненне можна будзе аднавіць, калі ў Беларусі адбудуцца дэмакратычныя змены.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары