Брытанская разведка: Расія выкарыстала знішчальнік пятага пакалення Су-57 супраць Украіны, але асцярожна
Паветрана-касмічныя сілы Расіі пачынаючы з чэрвеня 2022 года, верагодна, выкарыстоўвалі шматфункцыянальны знішчальнік пятага пакалення Су-57 (па кадыфікацыі НАТА — Felon) для выканання задач супраць Украіны, гаворыцца ў штодзённай зводцы вайсковай разведкі Мінабароны Брытаніі.
Гэта самы сучасны ў Расіі звышгукавы баявы рэактыўны самалёт пятага пакалення, які выкарыстоўвае тэхналогіі малапрыкметнасці і перадавую авіёніку, адзначаюць аўтары справаздачы.
Аперацыі з Су-57, верагодна, абмяжоўваліся пралётам над тэрыторыяй Расіі і запускам ракет вялікай далёкасці класа «паветра-зямля» або «паветра-паветра» па тэрыторыі Украіны, лічаць у брытанскай разведцы.
На апошніх наяўных у адкрытым доступе малюнках відаць, як пяць Су-57 стаяць на авіябазе Ахтубінск — гэтыя самалёты, хутчэй за ўсё, удзельнічалі ў аперацыях супраць Украіны.
Расія клапоціцца пра тое, каб пазбегнуць нанясення шкоды рэпутацыі Су-57 і пагаршэння яго экспартных перспектыў, якія могуць паўстаць у выпадку страты найноўшага самалёта над Украінай, адзначаюць аўтары зводкі. Яны лічаць, што Расія па-ранейшаму не схільная рызыкаваць, ужываючы свае ВПС над украінскай тэрыторыяй.
Лукашэнка знайшоў незвычайныя словы для спачування Хаменеі: «вераломная атака»27
Каментары