У будынку незалежнай кнігарні «Все свободны» ў Пецярбургу пашкодзілі вітрыну з надпісам «Міру — мір». Пра гэта паведамляецца ў сацсетках заснавальнікаў крамы.
Адтуліна ў шкле падобная да кулявой. Саўладальніца крамы Любоў Бяляцкая таксама выказала здагадку ў каментарах да паста, што ў вітрыну стралялі з траўматычнага пісталета.
«Усё ж такі надпіс на нашых вокнах падабаецца не ўсім. Вельмі сумна. Калі ў вас ёсць знаёмыя, хто можа замяніць нам акно па фрэндлі-прайсе, напішыце, калі ласка, у дырэкт», — напісалі заснавальнікі крамы.
Магазін адкрыў грашовы збор на рамонт шкла.
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію7
Каментары