Пракуратура знайшла «тавары з нацысцкай сімволікай» у каталозе Wildberries
Пры маніторынгу гандлёвых анлайн-пляцовак пракуратура Гомельскага раёна выявіла на сайце крамы Wildberries тавары, якія ўтрымлівалі нацысцкую сімволіку, паведамляе прэс-служба Генпракуратуры.
У прыватнасці, устаноўлена, што асобныя прадаўцы рэалізоўвалі налепкі, падвескі і шаўроны з эмблемай «Чорнае Сонца».
«Згодна з п. 12 дадатку да пастановы Міністэрства ўнутраных спраў ад 28 кастрычніка 2022 года «Аб устанаўленні пераліку арганізацый і іншых структур, нацысцкай сімволікі і атрыбутыкі», эмблема «Чорнае Сонца» з'яўляецца нацысцкім сімвалам. Гэта разнавіднасць «сонечнага кола», якое выкарыстоўвалася ў нацысцкай Германіі. Эмблема складаецца з 12 радыяльных рун «зіг», падобных да сімвалаў, што выкарыстоўваліся ў эмблеме СС», — растлумачылі ў ведамстве.
З улікам таго, што падобныя тавары могуць быць рэалізаваныя нявызначанаму і неабмежаванаму колу асоб і выкарыстаныя імі ў мэтах «рэабілітацыі нацызму», пракуратура запатрабавала ад інтэрнэт-крамы Wildberries выключыць гэтую прадукцыю з каталога.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары