Культавы анімэ-серыял «Пакемон» завяршыўся праз 26 гадоў паказу
Апошнюю серыю паказалі па японскім тэлебачанні.
Японскі тэлеканал TV Tokyo 24 сакавіка паказаў апошнюю серыю культавай анімэ-франшызы «Пакемон». Серыя атрымала назву The Rainbow and the Pokemon Master («Вясёлка і майстар пакемонаў»).
Яна ставіць кропку ў доўгай гісторыі двух галоўных персанажаў франшызы: Эша (у японскім арыгінале — Сатосі) і яго сябра, сусветна вядомага пакемона Пікачу.
На жаль, у гэты момант апошні эпізод серыяла не атрымаецца паглядзець легальна, бо ён даступны толькі ў Японіі, а на такіх платформах, як Netflix цi Amazon prime, наогул выйдзе толькі ў канцы вясны — пачатку лета (і толькі ў арыгінальным японскім агучванні з англійскімі субцітрамі).
Тым не менш, сама анімэ-франшыза «Пакемон» працягне сваё жыццё і ў будучыні папоўніцца іншым нядаўна анансаваным серыялам пад назвай Pokémon Horizons: The Series, у які будуць уведзены новыя персанажы. Трэйлер гэтага серыяла можна паглядзець на афіцыйным сайце франшызы.
Нагадаем, што «Пакемон» — гэта адна з самых вядомых у свеце франшыз і з'яў поп-культуры, якая была створана кампаніяй Nintendo яшчэ ў 1997 годзе. Сусвет уключае ў сябе велізарную колькасць фільмаў, серыялаў, кніг, часопісаў, фанфікаў, гульняў і інш.
Сам анімэ-серыял «Пакемон» выходзіў у эфір на працягу 26 гадоў. Ён налічвае 25 сезонаў і 1234 эпізоды.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку23
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары